༆ས་གནས་ཤར་ལྷོ་ནུབ་བྱང་ཕྱོགས་བཞི་ལས།།
རྒྱ་མཚོ་ནང་ལུ་འབབ་པའི་ཆུ་ཆེན་བཟུམ།།
སེམས་ཀྱི་གདིང་ལས་དགའ་སྤྲོ་འབག་སྟེ་གིས།།
ང་བཅས་བསླབ་སྟོན་གནས་གར་འདི་ནང་འཛོམས།།
རྒྱ་མཚོ་ནང་ལུ་འབབ་པའི་ཆུ་ཆེན་བཟུམ།།
སེམས་ཀྱི་གདིང་ལས་དགའ་སྤྲོ་འབག་སྟེ་གིས།།
ང་བཅས་བསླབ་སྟོན་གནས་གར་འདི་ནང་འཛོམས།།
གྲ་སྒྲིག་ཡོད་པའི་ང་བཅས་བསམ་འཆར་འདི།།
ཐབས་ཤེས་དམངས་ལུ་བགོ་བཤའ་རྐྱབ་ནི་དང་།།
ག་ར་ཨིན་རུང་ཤེས་ཐབས་བཟོ་ནི་གི།།
ཐབས་དང་གནས་སྐབས་འདི་ནང་སྟོན་ནི་ཡོད།།
ཐབས་ཤེས་དམངས་ལུ་བགོ་བཤའ་རྐྱབ་ནི་དང་།།
ག་ར་ཨིན་རུང་ཤེས་ཐབས་བཟོ་ནི་གི།།
ཐབས་དང་གནས་སྐབས་འདི་ནང་སྟོན་ནི་ཡོད།།
མི་དབང་མངའ་བདག་ཐུགས་བསྐྱེད་འགྲུབ་ཐབས་ལུ།།
རྒྱལ་ཁབ་རྒྱབ་སྐྱོར་ང་བཅས་གྲ་སྒྲིག་ཡོད།།
ང་བཅས་རྒྱལ་དར་གནམ་མཁའི་དགུངས་ལུ་འཕྱར།།
རུ་སྒྲིག་ཐོག་ལས་རྒྱལ་ཁབ་བརྟན་བཅུག་ནི།།
རྒྱལ་ཁབ་རྒྱབ་སྐྱོར་ང་བཅས་གྲ་སྒྲིག་ཡོད།།
ང་བཅས་རྒྱལ་དར་གནམ་མཁའི་དགུངས་ལུ་འཕྱར།།
རུ་སྒྲིག་ཐོག་ལས་རྒྱལ་ཁབ་བརྟན་བཅུག་ནི།།
Lyrics by Lop. Choki Gyeltshen
SM (BYDA 1992)